 |
| ممنوع التزمير |
لأ لا تفهموني غلط مش اتوت على التويتر ابدا ... انا من نفسي استعمل الزمور واعمل تووووووووت لانو للاسف من كتر ما زمرت بزامور السيارة طبعا خرب والو اكتر من شهر وانا مكسل اروح اصلحو.
انا طبعا كنت استخدم الزامور على الفاضي والمليان هو يعني مو على الفاضي والمليان لانو بالبلد هاي بتحس حالك بمعركة مش بتسوق بس كنت انا استخدم الزامور علشان افش غلي.
يعني لما كان واحد يحاول يدخل علي وانا سايق بعطي زامور بمعنى توت اختك شو فين داخل على بيت ابوك مثلا؟ بصراحة كانت الامور تتعدى هيك يعني كانت توصل لتوت امك يا توت يا بان ال 66 و 66 توت واكتر من هيك.
لما خرب الزامور قلت فرصة اخفف من هالعصبية هاي واريح اعصابي بس اللي صار العكس تماما ... قبل اسبوع واحد رجع علي وهو مش شايف وما عرفت انبهو صرت اصرخ وقففففففففففف بس ما وقف الا وهو ضاربني.
هاي كانت اهون من العذاب اليومي طلع شعبنا بجيش الا بالتوت ... جد انو شعب توت ابن توت ... اذا ما معك زامور الكل بيدخل عليك والكل بستوطي حيطك والكل بستغلك.
وعلشان هيك قررت اليوم اروح واصلح الزامور واتوت لكل اللي عاجبو واللي مش عاجبو ... وحياة امي ما انا عارف ليه بكتب وخليني الحقلي كهربائي سيارات احسنلي.
